မိူဝ်ႈၽွင်ႈ တပ်ႉၸုမ်း 1027 ၽႅၼ်တိုၵ်းတပ်ႉသိုၵ်းမၢၼ်ႈ ၼၼ်ႉ လုၵ်ႈၸုမ်း ႁူင်းႁဵၼ်းၸမ်ႉၸွမ်မိူင်းတႆး( TSU ) ၸၢႆးၺုၼ်ႉ မၼ်းၸၢႆးလႆႈမီးဝႆႉတီႈ ၸေႈဝဵင်းလၢဝ်ႇၵၢႆး ယွၼ်ႉပၢၼ်တိုၵ်း 1027 ၼၼ်ႉသေ မုၵ်ႉၸုမ်း MNDAA ( တပ်ႉသိုၵ်းၵဝ်ႈၵၢင်ႉ) ၶဝ်လႆႈတီႉၺွပ်း ႁဵတ်းသိုၵ်းဝႆႉလႆႈႁူႉၼင်ႇၼႆ။
လွင်ႈပိူင်ပဵၼ်တႄႉ မိူဝ်ႈ ပီ2023 လိူၼ်ၼူဝ်ႇဝိၼ်ႇပႃႇ 24 ဝၼ်းၼၼ်ႉ ၸၢႆးၺုၼ်ႉၼၼ်ႉ မၼ်းၸၢႆးလႆႈၽႅဝ်ဝႆႉတီႈၸေႈဝဵင်းလၢဝ်ႇၵၢႆး မိူင်းတႆးပွတ်းႁွင်ႇဝႆႉၸူဝ်ႈၶၢဝ်း တီႈဝဵင်းလၢဝ်ႉၵၢႆၼၼ်ႉ လႆႈပဵၼ်ပၢၼ်တိုၵ်းလႄႈ လႆႈငိူင်ႉဝႄႈပၢၼ်တိုၵ်းၸွမ်းၵူၼ်းမိူင်း လႆႈပႆတၢင်းၵႂႃႇတီႈႁိမ်း ဝၢၼ်ႈ ၵျေႃႇၸေးၼၼ်ႉ သမ်ႉမီးဝႆႉ တပ်ႉပၢင်သဝ်း MNDAA ယွၼ်ႉလႆႈၽႅတ်ႈတီႈတပ်ႉပၢင်သဝ်းၼၼ်ႉသေ ႁၢႆတူဝ်ၵႂႃႇ။
ယူႇတီႈငဝ်းလၢႆးပၢင်တိုၵ်းၼၼ်ႉလႄႈ လႅင်းၽူင်း ဢိၼ်ႇတႃႇၼႅၵ်ႉ လႆႈၶၢမ်ႇဝႆႉလႄႈ ထိုင်မႃး 2024 လိူၼ်ၸၼ်ႇၼႃႇဝႃႇယီႇ ဝူင်ႈထူၼ်ႈသွင်ၼၼ်ႉ ၵူၼ်းၼုမ်ႇၵေႃႉၼိုင်ႈဢၼ်လႆႈငိူင်ႉဝႄႈၸွမ်းၸၢႆးၺုၼ်ႉၼၼ်ႉ လႆႈပၢႆႈဢွၵ်ႇပူၼ်ႉလွတ်ႈတီႈ ၼၼ်ႉသေ။မၼ်းၸၢႆးလၢတ်ႈဝႃႈတႄႉ ၸၢႆးၺုၼ်ႉၼၼ်ႉလႆႈထုၵ်ႇတၢင်း တပ်ႉသိုၵ်း MNDAA ၶဝ်တီႉၺွပ်းၵုမ်းၵမ်ဝႆႉ မၼ်းၸၢႆးလၢတ်ႈဝႃႈၼႆ။
ၸၢႆးၺုၼ်ႉၼႆႉ ပဵၼ်ၵူၼ်းၼုမ်ႇတီႈႁဵတ်းၵၢၼ်တူင်ႉၼိုင် ၵၢၼ်ၵူၼ်းတၢင်းၼမ်သေဢမ်ႇၵႃး ၼႂ်းၸုမ်း လုၵ်ႈႁဵၼ်းၸၼ်ႉၸွမ်မိူင်းတႆးၵေႃႈ ပဵၼ်ၽူႈ တူင်ႉၼိုင်ႁဵတ်းၵၢၼ်ဝႆႉၵေႃႉၼိုင်ႈ။
ယူႇတီႈၸုမ်း လုၵ်ႈႁဵၼ်းၸၼ်ႉၸွမ်မိူင်းတႆး ( TSU ) လႆႈႁူႉဝႃႈ ၸၢႆးၺုၼ်ႉထုၵ်ႇၺွပ်ႉ ၵုမ်းၵမ်ဝႆႉလႄႈ လႆႈ တုၵ်းယွၼ်း တၢင်းၸွႆႈထႅမ်တီႈ မုၵ်ႉၸုမ်း ဢၼ်ၵဵဝ်ၶွင်ၸွမ်း MNDAAၶဝ်ၼၼ်ႉ ႁႂ်ႈၸွႆႈထႅမ်ပၼ်သေတႃႉ ဢမ်ႇလႆႈတၢင်းတုမ်ႉတွပ်ႇလၢတ်ႈသင်မႃးပၼ်ၶိုၼ်း။ဢၼ်လႆႈတီႉၺွပ်းၵုမ်းၵမ်းဝႆႉ ၵူၼ်းၼုမ်ႇတႆး ႁဝ်းၸိူဝ်းၼၼ်ႉ ယူႇတီႈ ၸုမ်း ( TSU ) ႁဝ်းသၢၼ်ၶၢတ်းလွင်ႈၵဵပ်းသိုၵ်းၼၼ်ႉႁၢဝ်ႉႁၢဝ်ႉႁႅင်းႁႅင်းယူႇၶႃႈ။
ယူႇတီႈၸုမ်းႁဝ်းၶႃႈသေ တုၵ်းယွၼ်းတီႈ တပ်ႉၸုမ်း MNDAAၶဝ် ႁႂ်ႈပွႆႇပၼ်ၸၢႆးၺုၼ်ႉလႄႈ ၵူၼ်းၼုမ်ႇတႆးဢၼ်လႆႈတီႉၺွပ်းၵုမ်းၵမ်ဝႆႉၼၼ်ႉ ႁႂ်ႈပွႆႇပၼ်ၶိုၼ်း ယွၼ်ႉႁဝ်းၶဝ် ပဵၼ် ၵူၼ်းၶိူဝ်းယူႇႁူမ်ႈၸွမ်းမိူင်းလဵဝ်ၵၼ်လႄႈ ႁႂ်ႈလွင်ႈၽွမ်ႉႁူမ်ႈၵူၼ်းမိူင်းလဵဝ်ပဵၼ်ယႂ်ႇသေ ႁႂ်ႈႁဝ်းၶဝ်ႁူမ်ႈတေႃႇသူႈ ၸဝ်ႈဢၢမ်းၼႃႇ ၶဝ်ၼၼ်ႉတိုဝ်းလီယူႇၶႃႈ။